Jowai, K’Lyngkot 09: Ka lympung phutbol bala tip kum ka “3rd Sniawbhalang Football Tournament 2023” hynne ka sngi (9 tarik Kyllalyngkot) ha madan Wahiajer Stadium Wahiajer West Jaiñtia Hills District.
Ka jingïakhun ba nongkong, ka kynhun ïalehkai jong ka Sohphoh kala lah ban pynliem da 5-3 kol ïa ka Namdong lyngba ka jingïashut Tie Breaker.
Katba ha ka jingïakhun kaba ar Tamu kala pynliem da 2-1 kol ïa ka Morathud, ïa ka kol na ka Tamu la thep da u Jubanlak Laloo haka minit ba 3 bad u Dathiklang Laloo haka minit ba 52. Ïa ka shikol na ka Morathud la thep da u Kynsai Bhoi haka minit ba 27.
Lyngba kane ka jingjop jong ka kynhun ïalehkai ka Sohphoh bad ka Tamu kila ïoh ban rung sha ka ‘Quarter Final’ jong kane ka lympung.
La pyntip ba ka jingïakhun ‘Pre Quarter’ ba khadduh kan long lashai ka sngi 10 tarik u Kyllalyngkot kan long hapdeng ka Ummulong pyrshah ïa ka Nongkhroh haka por 12 baje mynsngi, katba ka Nonglatem pyrshah ïa ka Umjlasiaw haka por 2 baje nohphai sngi.
