Khliehriat, Nailur 16: Ar tylli ki kynhun ba kynthup ïa ka Deiñshalalu bad ka Sutnga Mission ki la pynthikna ïalade ban jam sha ka wat ïakhun Quarter final ha ka lympung ïalehkai phutbol kyrdan Second Division bala pynïaid da ka East Jaiñtia Hills District Football Association hadien ba ki la jop ïa ki jingïalehkai ba la long ha ka Lah Sngi U Blei (16 tarik u Nailur, 2024) ha madan Artificial Turf, Diengshynrum, Khliehriat.
Na ka liang jong ka Deinshalalu SC kala pynliem noh ïa ka Iongkaluh SCSC da tang 1 kol, katba ka Sutnga Mission SSCC ka la pynthikna ban rung sha ka QF hadien ba ïakhaid bad ka Musniang SC.
Ha ka jingïakhun kaba nyngkong, ka shi kol na u Shemphang Ksih ba la thep ha ka minit 9 tang mar ïa sdang ka kylla step ka la biang pura ïa ka Deinshalalu SC ban pynliem ïa ka Iongkaluh SCSC.
Haba phai sha ka jingïakhun kaba ar hapdeng ka Musniang SC pyrshah ïa ka Sutnga Mission SSCC kila poi sha ka jingïakhaid da mar shikol 1-1.
Dei ka Sutnga Mission kaba la pynkhihjar nyngkong lyngba u Rilang Wahlang tang hadien 2 minit ba la ïaid ka por. Hynrei ka Musniang SC ka la pynïakhaid lyngba u Mardi Rymbai (17 minit).
Ki kynhun kiba ïoh ban rung sha ka Quarter final ki long sa ka Deinshalalu SC na ka Pool D bad ka Sutnga Mission SSCC na ka Pool B.
