Jowai, Jymmang 20: Ka jingïakhun ‘Semi Final’ jong ka lympung ïalehkai phut-bol ba la tip kum ka ‘2nd U Adelbert Laloo Memorial Trophy’ jong ka kyrdan 3rd Division Football Tour-nament 2022 ba la pynïaid da ka West Jaiñtia District Sports Association (WJDSA) kaba la long mynta ka sngi 20 tarik u Jymmang ha madan Kiang Nangbha Stadium Jowai.
Ha kane ka jingïakhun Semi Final ba nyngkong la wan ban ai reng hapdeng ka Maitchaphrang Mootyr-chiah pyrshah ïa ka Madankynsaw Mookyn-deng, ka jingïakhun kala long kaba ïakhait bha, hynrei tad haduh ba kut ka jingkynhun ka Maitcha-phrang Mootyrchiah kala lah ban pynliem syndon ïa ka Madankynsaw Mookyn-deng da 2-1.
Ïa ka kol ba nyngkong la thep da ka Maitchaphrang Mootyrchiah ha ka minit ba 13 lyngba u rangïalehkai jong ka u Raymon Sten, hadien kane ka shikol ka Madankynsaw Mookyn-deng kala ïaleh doh ïap ban pynphai kylla ïa ka shi kol bad dei lyngba ka jingïaleh-kai bha jong uwei na ki player jong ka u Joby Jose Dkhar ha ka minit ba 36 ula ïoh ban pynphai ïa katei ka sngi kol da kaba pynïakhait da mar shikol haduh ba kut ka jingïakhun jong ka kylla step.
Haba wan ban bteng ïa ka jingïalehkai ha ka kylla miet kala nang kham itynnah shuh shuh namar baroh ar kynhun kila pyrshah ban thep kol, hynrei dei ha ka minit shwa ban kut ka jingïakhun ka Maitchaphrang Mootyr-chiah kala ïoh biang ban pynkhih ïa ka kol ba ar lyngba u Leibor Ymbon kata ha ka minit ba 79, kumta ka Maitchaphrang Mootyr-chiah kala jop da 2-1 kol.
Ka jingïakhun ‘Semi Final’ ba ar kan long lashai ka sngi 21 tarik u Jymmang ka Khliehmuchut Shang-pung kan ïakhun pyrshah ïa ka Mookyrdup ha ka por 3 baje nohphai sngi.
