Khliehriat, Risaw 24: Ka jingïalehkai Semi Final jong ka kyrdan 1st Division bala pynïaid da ka East Jaiñtia Hills District Football Association (EJHDFA) kaba la long mynta ka sngi ha madan Deinchynrum, Khliehriat.
Haba phai sha ka jingïakhun Semi final ba ar ka kynhun ïalehkai jong ka Ladrymbai B. SC kala jop lyngba ka jingïashut Penalty da 4-3 ïa ka Tpepswer SSWO.
Ka jingïalehkai hapdeng kine ki ar kynhun kala long kaba ïakhait bha naduh ka jingïakhun jong ka kylla step tad haduh jong ka kylla miet, na ka liang kine ki kynhun kim shem la ïoh ban thep kol na baroh ar, kumta la hap ban pynïakhun da ka jingïashut Extra Time, hynrei ha kane ka por Extra Time kim ym shem la don kiba thep kol. Kumta la hap ban rai jop noh da ka jingïashut Tie Breaker.
Lyngba kane ka jingjop jong ka Ladrymbai B. SC kala ïoh ban rung sha ka jingïakhun phainal jong kane ka lympung pyrshah ïa ka Chiehruphi SYWSC, ha ka juh ka por kala ïoh ban rung sha ka Super Division ha kane ka aiom ïalehkai ban wan (next season).
