Jowai, Risaw 10: Ka jingïalehkai ‘Semi Final’ ba ar jong ka lympung (L) Joybell Suiam Memorial Football League 2026 haka kyrdan Second Division bala pynïaid daka Thadlaskieñ Sport Association kaba la long ha ka sngi Saitjaiñ, 10 tarik u Risaw, 2026 ha madan Wahiajer Multi Sports Complex Stadium.
Haba phai sha ka jingïakhun ka kynhun ïalehkai jong ka Shillong Police kala jop da 4-1 kol ïaka Maskut, ïa ki kol naka Shillong Police la thep da u Iohbor Nonglyer haka minit ba 4 & 40, u Korbarsing Dkhar haka minit ba 23 bad u Firstpillar Suchiang haka minit ba 59. Hynrei na ka liang ka kynhun jong ka Maskut kala ïoh ban thep tang shikol kata ha ka minit ba 18 lyngba u Elias Nongspung.
