Shillong, Risaw 19: Baroh ar tylli ka kynhun lehkai kriket ba la rangbah jong ka Meghalaya ki la mad namrem ha ki jingïakhun ba la long hynne ka sngi.
Na ka liang jong ki shynrang ki la shah pynliem ha ka Mizoram ha ka lympung lehkai jong ka Syed Mushtaq Ali Trophy T20 ha Jaipur. Haba tied ka Mizoram ka la kamai 163/6 naki 20 over katba ka Meghalaya ka la kynjoh tang 143/7.
Katba ka kynhun jong ki kynthei kaba la sdang nyngkong ïa ka BCCI’s Senior Women’s T20 Trophy ha Vadodara, ka la mad namrem ha jingïakhun pyrshah ïa ka Pondicherry da 77 ron.
