Jowai, Risaw 19: Ka lympung ïalehkai phutbol kaba la tip kum ka “Chatister Kharkongor Memorial Trophy 1st Division Football Tournament – 2023 bala pynïaid da ka West Jaiñtia District Sports Association, (WJDSA) Jowai kaba la long hynne ka Sngi Palei ha madan Kiang Nangbah Stadium, Dongmihsngi Jowai.
Haba phai sha ka jingïakhun ka kynhuh ïalehkai, ka Evergreen Mukhla kala pynliem da 5-1 kol ïa ka Moosyiem Shangpung, bad ka namtam ka long sha u Nidaioh I Dhar u ba la khyrwit hat trick (lyngba ki kol haka minit 8, 20 & 65), kiwei de ki kol la wan na u Pynioladmiki Ryngkhlem (9 min) bad u Dauni Suna (76 min). Katba ïa ka shikol na ka Moosyiem Shangpung la thep da u Kenny Langbang (43 min).
Mynta ka sngi ka jingïakhun hapdeng ka Sohmynting pyrshah ïa ka Wahiajer haka por 12 baje shiteng sngi.
