Nongpoh, Nailur 04: Ha kawei ka jingjia aksident kawei ka trok Dumper kaba don ïa u Register Number AS-01-DC-5497 kaba kit ïaki tiar shna Rong ka la leit ban tynrah ïa kawei ka kali Tempo kaba don ïa u number AS-25-EC-1550 bad ïa kawei ka Auto Rickshaw kaba dang ïeng harud surok kaba don ïa u number ML-10-C-3520 bad kitei baroh lai tylli ki kali ki la pra hi phum na katei ka jingjia aksiden.
Kane ka jingjia kala jia mynta janmiet ha ka por 5 baje eiei bad katkum ka khubor bala ioh lum la ioh jingtip ba kadaw kaba pynlong ïa katei ka jingïa tyngkhuh kali ka dei namar ka jingpynher sted palat u nongñiah jong ka trok Dumper haduh ba um lah shuh ban tehlakam bad u leit ban rat ïakiwei pat ki kali, bad naka liang u nongñiah katei ka trok u la ïathuh ba kala don ka jiingbthei haki bynta engine jong katei ka trok
La ïoh jingtip ruh ba ha katei ka jingjia 2 ngut ki briew kila mynsaw ba kynthup ïa u Triban Boro, ba naka shnong Amjok, Ri-Bhoi bad u Rantu Das (26yrs), ba shong ba sah ha Nongpoh, Ri-Bhoi, bad kine baroh 2 ngut ki dei ki nongïarap ïa katei ka trok dumper bad la pynkit noh sha jaka sumar.
Ha kane ka juh ka sngi kala don ruh ka jingïatyngkhuh ka scooty bad kawei ka Maruti car ha jingkieng Flyover Umiam ha kaba u nongñiah ka scooty u la mynsaw jur ha kane ka jingjia.
