Shillong, Kyllalyngkot 29: Naduh mynta ka sngi Palei ka Meghalaya kan ïakhun ïa ka jingïalehkai ba khatduh jong ka ha ka Ranji Trophy 2024-25 Elite Group A pyrshah ïa ka Mumbai ha Bandra Kurla Complex ha Mumbai.
Ki nongjied ïa ka kynhun ïalehkai ki shynrang ba la rangbah jong ka Meghalaya ki la pynbna ïa ka thup kyrteng jong ka kynhun ki 15 ngut khlem da don jingkylla kaba bun, ha kaba tang u Kishan Lyngdoh uba la wanphai ha ka jaka jong u Wanlambok Nongkhlaw.
Ka Mumbai kan ïakhun khlem katto katne ki kyrteng kiba la paw bha kum ki khlur ïalehkai ka ri India u Rohit Sharma, Yashasvi Jaiswal bad u Shreyas Iyer kiba la pynïasoh biang bad ka kynhun ïalehkai jong ka ri ha shuwa ki jingïalehkai ODI ban wan pyrshah ïa ka England.
Wat la katta ruh, ka Mumbai kan dang long ka kynhun liang pyrshah kaba khlaiñbor bha bad yn ïa ïalam ïa ka kynhun da u Ajinkya Rahane – rangïalehkai ka ri kum u kapten. Ka Mumbai ka donkam ban jop ïa kane ka jingïalehkai da ka jingïapher kaba kham khraw (lane jop kput) ban rung sha ka round kaba bud bad kan nym ailad ïa ka Meghalaya.
Ka kynhun jong ka Meghalaya: Akash Kumar Choudhary (C), Anish Charak, Kishan Lyngdoh, Himan Phukan, Arpit Bhatewara (WK), Bamanbha Shangpliang, Bijon Dey, Dippu Sangma (VC), Jaskirat Singh Sachdeva, Pringsang Sangma, Nishanta Chakraborty, Md Nafees Siddique, Ajay Duhan (BCCI approved guest player), Sumit Kumar (BCCI approved guest player), Anirudh B (BCCI approved guest player).
Standbys: Arien B Sangma, Chengkam Sangma, Riboklang Hynniewta, Lerry G Sangma
Support staff: Prabhakar Bairgond (Head Coach), Moisten Ch Marak (Assistant Coach), Surojit Biswas (Physio), Vikash Singh Chauhan (Trainer), Dister Marbaniang (Manager).
