Shillong, Naitung 03 : Ka Rotary Club Shillong Heritage ryngkat ka jingïatrei lang bad ka Nazareth Hospital ka la pynlong da ka jingai snam bad rakhe ruh ïa ka sngi kyrpang ki doktor ha ka 01tarik mynta u bnai.Ha kane ka sngi katei ka prokram ka la ïoh ban lum haduh 41 unit ka snam ha kaba bun na ki nongwan ai snam sngewbha kidei na ka 119th Battalion Infantry jong ka Territorial Army nalor kiwei kiwei ki nongai snam sngewbha.Da kaba rakhe artad ïa ka sngi kyrpang ki doktor, la pynkup burom ruh ïa arngut ki doktor jong ka jylla ba kynthup ïa u Dr. Sandi Syiem bad u Dr. Gordon Mervyn Rangad na bynta ka jingshakri jong ki.
