Nongstoiñ, Naiwieng, 13: Ka jingïaseng Samla Umyiap District, ka la ïaid lynti la ar phew san tylli ki snem bad ka la pynlong ïa ka jingrakhe ïa katei ka Jubilli rupa ha ka sngi saitjaiñ ka 12 tarik Naiwieng ha ka balang Presbyterian Umyiap, Umyiap District kaba hap ha ka Laitkseh Presbytery.
Ha katei ka sngi la sdang ïa ka jingrkhe ha katei ka Balang da kaba jingïaseng ha kaba la pdiang ïa ki Nongkitkam, ki dkhot bad ki delegates jong ka Jingïaseng Samla District bad ki nongshah khot sngewbha ha katei ka jingrakhe ïa katei a Jubilli rupa. Ha kajuh ka por la sdang ïa ka jingrakhe da kaba pynlong ïa ka jingïaseng ha kaba la pynïaid da u Rev.D.R Marngar Pastor incharge jong ka District bad la ïoh ban pule na ka Ktien jong u Blei bad duwai da I Miss S.Kaharmusul-man. Nalorkata la ïoh ruh ïa ka jingrwai Choir na ka Jingïaseng Samla Balang Presbyterian Mawlangkhar. Ha kajuh ka por la ïoh ban pynsgew ïa ka history jong ka jingïaid lynti jong ka Jingïaseng Samla District kaba la sdang naduh u snem 1997 haduh ka 12 tarik Naiwieng 2022. Khatduh eh la ïoh ïa ka jingkren na ka ktien ka jong u Blei da u Tymmen basan G.N.S Myrthong.
Ha ka por 1.30 p.m la sdang biang ïa ka jingrakhe ïa katei ka Jubilli rupa ha kaba la pule na ka ktien u Blei bad duwai da u Tymmenbasan T.S.Lyngdoh bad ka jingrwai Choir na ka jingïaseng Samla Balang Lawrapha. Ha katei ka sngi ka Jingïaseng Samla Umyiap District ka la khot sngewbha ïa u Rev A.T Sohliya Chairman jong ka Jingïaseng Samla KJP Synod Sepngi kum u kongsan, ha kaba u la plie ruh ïa u mawnongrim ban pynsah jingkynmaw ïa katei ka jingrakhe jong ka Jingïaseng Samla District ïa ka jingdap arphewsan snem jong ka jingïaid lynti jong ka.
Na ka liang u Rev Sohliya u la pyllait ruh ïa ka Souvenir jong ka Jingïaseng Samla District bad ka Youtube Channel jong ka. Ha katei ka sngi la ïoh ruh ïa ka jingïasyllok na ka ktien ka jong u Blei da u Rev Soliya u ba la shah khot kum u kongsan.
Ka jingrakhe pynkut ïa katei ka Jubilli rupa ka la long mynta ka sngi U Blei ka 13 tarik Naiwieng da ka jingïaseng paitbah kaba la sdang ha ka por 10.30 a.m bad kaba la pynïaid da u Rev D.R Marngar Pastor incharge ka District bad la pule na ka ktien ka jong u Blei da u Tymmen basan D.L.Marshilong. Ha kajuh ka por la ïoh ïa ka jingrwai choir na ka Jingïaseng Samla Balang Presby-terian Nongspung, Balang Presbyterian Lumpyngad bad na ka Silover Jubillee Choir. Hadien jong kitei ki choir la ïoh ïa ka jingïasyllok na ka ktien ka jong u Blei da u Rev.P.W.Makdoh.
Ha ka jingïaseng ha ka por 1.30.p.m pat la ïoh ban pule na ka ktien jong u Blei da u Tymmenbasan H.P.Khardewsaw bad bud sa ki jingrwai choir na ka Jingïaseng Samla Balang Presbyterian Ksehkoh-long, Umyiap bad ka Silver Jubillee choir bad la ïoh ïa ka jingïasyllok na ka ktien ka jong u Blei da u Rev R.T.Shangdiar Excecutive secretary KJP Synod Sepngi.
Ha ka ka jingïaseng miet kaba la sdang ha ka por 6 pm la ïoh ban pule ïa ka ktien jong u blei bad duwai da u Mr B.T.L.Marngar bad ka choir na ka jingïaseng samla balang Presbyterian Mawïawet. Hadien kata la ïoh ïa ka jingïasyllok na ka ktien ka jong u blei da u Rev W.B.Sohshang bad pynhap ïa ka lama jong ka Jingïaseng Samla Umyiap District bad khatduh eh la ïoh ïa ka choir jong ka Theme song jong ka Jingïaseng Samla Umyiap District.
