Shillong, Naitung 28: Ka 67 Battalion jong ka Central Reserve Police Force (CRPF) ka la rakhe ïa ka sngi seng kaba 86th Raising Day ha nongbah.
Ha kane ka sngi u Inspector General ka CRPF Inspector General jong ka North East Sector, u Danesh Rana u la leit ban jngoh ïa ka battalion bad shim bynta ha kane ka jingrakhe bad u la buh syntiew ruh ïa ki pulit kiba la khad bad kiba la aiti ïa la ka jong ka jingim.
U Rana ha ryngkatlang bad ki officer bad ki pulit kiba don ki la rakhe ïa kane ka sngi da kaba kular ba kin pynneh ïa ka shongsuk shongsaiñ, ban ai jingïada bad jingshngaiñ bad ka jingïalong kawei hapoh ka ri.
Ka la don ruh ka jingpynlong ïa ka sainik sammelan kaba la thmu ban wanrah ka jingïatylli bad ka jingai bor ïa ki CRPF. Kane ka prokram la ong ba ka long ruh ka rynsan ban ïasyllok bad ïasam ïa ki jingmut nalor kiwei pat ki kam.
Katba ki Second in Command jong ka Battalion, Inspector General, u Ajay Kumar, DIGs Imran Malik, bad I. Lokendra Singh, Commandants Nlanoj Kumar Sharma bad Jacob Vungzabick Tusing nalor kiwei pat ki officers ki la donlang ha kane ka sngi.
