Shillong, Nailar : Ka Central Bureau of Commu nication (CBC), hapoh ka tnat Information and Broadcasting jong ka Sorkar India, Regional Office, Shillong ha ka jingïatreilang bad ka University of Science and Technology Meghalaya mynta ka sngi ka la pynlong ïa ka jingpyni dur ne ka ‘photo exhibition’ kaba ar sngi ha ryngkat kiwei kiwei ki prokram ban rakhe ïa ka Azadi Ka Amrit Mahotsav ha USTM.
Ha ka prokram la wan ïashim bynta u A Srinivas, DIG (Operations), CRPF, NE Zone, uSamudra Gupta Kashyap, nongthoh kot, nongthoh khubor bad Information Commissioner, Assambarim, u Mahbubul Hoque, Chancellor ka USTM, Dr BK Das, Pro VC ka USTM, Dr RK Sharma, Nongai jingmut ïa ka USTM, Gopajit Das, Head of Office, CBC Shillong ha ryngkat kiwei kiwei.
La pynlong ïa ka prokram pyni deiriti bad ki jingrwai ieit ri da ki barikor jong ka Song and Drama Division hapoh ka tnat Information and Broadcas ting jong ka Sorkar India. Ki delegate ki la plie ruh ïa ka jingpyni ïa ki dur halor ka “Azadi ka Amrit Mahotsav” kaba ar sngi ha Mother Teresa Park ha phyllaw jong ka USTM.
Ha ka jingkren pdiang ïa ki nongïashim bynta, u Mahbubul Hoqueu la ong ba ka Mahotsav ka dei ka dak jong ka jinglaitluid, ka jingïaid shaphrang bad ka jingïatylli kaba ïohi ha kylleng ka ri. Ka USTM ka sngew ïahap jingmut bad kine ki jingngeit da kaba pynkupbor ïa ki samla pule ba kin long ki nongïalam, ki nongsaiñdur thymmai bad ki nongshong shnong kiba don jingbahkhlieh kiba don bynta ha ka roi ka par jong ka ri, u la ong.
U Samudra Gupta Kashyapu la ong ba kane ka jingpyni ïa ki dur halor ka Azadi Ka AmritMahotsavda ka CBC ka plie lad ïa ki briew ba kin ïohi ïa ki jinglong jingman ha ka por jong ka jingïakhih na ka bynta ka jinglaitluid jong ka India bad ba kin sngewthuh ïa kito ki por. U la kynmaw ïa ki riewshlur ka Meghalaya, U Tirot Sing Syiem, U Kiang Nangbah bad u Pa Togan Sangma, ha kaba u la ong ba bun na ki kot histori kim kren shaphang ka histori, ka deiriti jong ka thaiñ shateilammihngi. U la ong ba ka long kaba donkam ban pynkylla ïa kane lyngba ka jingïashim bynta ki briew jong ka thaiñ bad ka jingai jingtip ïa ka ri shaphang ki kam jong ki nongïakhih, ki riew shemphang, ki nongsaiñdur bad ki nongïalehkai na ka thaiñ na ka bynta ka jingtei ïa ka India kaba thymmai.
UASrinivasu la ong ba ka Amrit Mahotsavka dei ka jingrakhe ïa ka jingjop jong ka India ha ki 75 snem. U la kyntu ïa kito kiba la wan ïashim bynta ba kin trei na ka bynta ki jingthmu jong ki nongïakhih na ka bynta ka jinglaitluid jong ka ri bad ban bud ïa ki jingngeit jong ka jingïakhih na ka bynta ka jinglaitluid ka India.
Nalor kata u la pynshlur ruh ïa ki samla jong kane ka jaka pule ba kin leit rung ha ki kam ïada ri bad ai jingshakri ïa ka India.Kane ka jingpynidur ka pyni ïa ka jingïakhih na ka bynta ka jinglaitluid ka India da kaba peit bniah ia ki riewshlur na ka thaiñ shateilamihngi ki bym shym la paw pyrthei. La pynkhreh ïa ki jingïakop bapher bapher kum shi bynta jong kane ka prokram ha kine ki ar sngi ban wan kiba kynthup ïa ka Quiz, Jingsaindur, Jingïatai nia bad kiwei kiwei hapdeng ki samla pule. Kane ka jingpynidur ka plie haduh ka 11 tarik u Nailar, 2023 ha kaba ki briew ki lah ban leit peit.
