Jowai, Nailur 18: Ka Balang Unitarian Jowai mynta ka sngi 18 tarik u Nailur, 2024 kala pynkut ïa ka jngrakhe dap 137 snem ne ka (Anniversary) halor ka theme “Lynti ka Niam U Blei ba pynhun Mynsiem” ïa kane ka jingrakhe la sdang naduh kine ki taïew ba la dep.
Hynne pat ka sngi 18 tarik kaba long ka sngi kyrpang la sdang ïa ka jingrakhe naduh ka por 8 shiteng mynstep da kaba pyndeng syntiew ïa u Mot u nongseng Rangbah ka Balang u H.K. Singh, pynher ïa ka Lama ka Senglang Unitarian. Hadien kane bud sa ka jingïaseng duwai haka por 8:45 mynstep.
Katba ha ka jingïaseng kaba la long ha ka por 12:30, la ïoh ïa ki jingkren na u Kiki Pakma uba long u Moderator uba la tbeh ruh ïa ka sharak, la sdang ïa ka jingïaseng da u Dawyo Kjam, katba ïa ki kyntien nongkyntu kynpham la ïoh da u Homeland Lamar bad jingduwai da u Marki Passah.
Ha kane ka jingïaseng mynsngi la ïoh ïaka Pule Pledge, la pynlip ïa ka sharak bad jingkyrkhu pynwai na u Moderator.
Katba ha ka por janmiet pat pynhiar ïa ka Lama ka Senglang Unitarian bad hadien kane pat don ka jingïaid Procession rah Dongmusa kaba la pynkhreh da ka seng Samla bad hadien ka Procession yn don ka jingïaseng janmiet.
