Jowai, Risaw 01: Napdeng ki 12 ngut ki thei bhabriew kiba la wan ïashim bynta haka Jowai Miss Teenager 2022’ bala pynïaid da ka Chutwakhu Social Welfare Local Dorbar Jowai hynnin ka 30 tarik u Nailur 2022 ha Chutwakhu Indoor Sports Hall.
Ha kane ka jingïakop thei bhabriew ka Aishwariya Malang kaba shong ba sah ha Khliehyongriang Jowai kala long kum ka nongjop, ba wan ba ar da ka Emichwa Daka B. Ladia na ka shnong Mustem kala rah ïaka nam 1st runner-up bad ka Odarica Kamar War ba sah ha Chutwakhu Jowai kala rah ïaka nam 2nd runner up.
Ïa ka jingïakop la pynlong haki 3 round, ka round ba nyngkong dei ka traditional fusion round, ka round ba ar dei Beauty pageant the classic round, ka round ba lai pat Evening round.
Napdeng ki 12 bala ioh rung top 8 contestant kila shim bynta haka questions round, katba kiba ïoh rung final top 5 pat kila shim bynta sa haka common questions round, ne jubab ïaki jingkylli da kaba thoh bad sa pule.
Ki nongbishar bala bishar ïa kine ki thei bhabriew kynthup ïa u Dr. Khamjan Chyrmang, u Lee Middleton, ka Sokini Sutnga bad ka Tanvi Marak.
Hadien ka jingbishar kila i bit i biang iaka Aishwariya Malang ban long ka nong jop jong kane ka jingïakop Teenager 2022. Hashwa kane la don ka jingïalang bala donlang u MLA ka 2 Jowai u Wailadmiki Shylla, u MDC JHADC Otomewot Lamin ki riew ryngbah ka Chutwakhu nalor kiwei kiwe de.
