Nongstoiñ, Ïaiong 27 : Ka Mawshynrut Block ka la rah ïa ka nam lahduh ha ka lympung Under-12 phutbol ba la pynïaid da ka District Sports Officer ha West Khasi Hills District.
Ha ka final kaba la long hynne ka sngi ha madan NDSA Nongpyndeng, na ka liang ki khynnah kynthei ka Mawshynrut Block ka la pynliem ïa ka Shallang Block da shi kol la nod. Katba na ka liang ki shynrang, ka Mawshynrut Block ka la pynliem ïa ka Rambrai Block haduh 7 kol la nod.
Kumban shu pynkynmaw ba kane ka District Level phutbol, ka la sdang ha ka sngi 25 tarik ha kaba ki 5 tylli ki lahduh jong ki Block bapher bapher ki la ïashimbynta, ban rah ïa ka nam lahduh. Hynrei, hynne ka final na ka liang ka Mawshynrut Block ka la kheit ïa ka nam lahduh bad pynkhreh pat mynta na ka bynta ban mihkhmat ïa ka District sha ka State level.
Na ka liang u Kongsan u ba la donlang ban pynshit pynshngaiñ hynne ka sngi dei u Bah O.Massar Additional Superintendent of Police West Khasi Hills District, ha kaba u la shim ruh ïa ka bynta ba kongsan ban sam ïa ki khusnam sha ki heprit kiba kheit ïa ki khusnam bapher bapher.
