Jowai, Jylliew 19: Ka North Liberty, Sawlyngdoh H/S School, Govt. Boys H/S School bad ka H.K Singh Memorial Sec. School ki la khur jingjop ha ki jingïalehkai ka lympung phutbol ki khynnah skul kaba la tip kum ka ‘District Level Inter School Subroto Mukherjee Cup Football Tournament 2024’ bala pynïaid da ka ophis jong u District Sports Officer West Jaiñtia Hills District, Jowai kaba la long hynne ka sngi Balang (19 tarik) ha madan Kiang Nangbah Stadium, Jowai.
Haba phai sha ka jingïakhun Quarter Final hynne ka ka sngi haka kyrdan Under-17 (Boys) ka North Liberty H/S School kala lah ban pynjem khnap da 3-0 kol ïaka Laishnong H/S School ban jam sha ka wat kaba bud.
Nangta ka Sawlyngdoh H/S School ka la lah ban pynliem da 3-1 kol ïa ka St. Dominic H/S School ha ka jingïakhun kaba itynnat.
Ha kawei ka jingïakhun, ka Kiang Nangbah Govt. H/S School kala pynliem da 3-1 kol ïa ka H.K Singh Memorial Sec. School.
Katba ka Govt. Boys H/S School kala pynliem da 5-2 kol ïa ka Lumpyrtuh Sec. School.
Ha ka jingïakhun jong ka kyrdan U-15 (Boys) ka H.K Singh Memorial Sec. School kala pynliem da 1-0 kol ïaka Sabahmuswang U/P School.
La pyntip ka jingïakhun Quarter Final mynta ka sngi (20 tarik) haka kyrdan U-15 (Boys) kin don lai tylli ki jingïakhun, katba haka U-17 (Girls) kin don ar tylli ki jingïakhun.
