Shillong, Nohprah 12: Ka khubor ba la ïoh na ki pulit la ïathuh ba uwei u nongshong shnong ka Shillong u la ujor ba ha ka 4 tarik mynta u bnai, u la ïohpdiang ïa bun tylli ki jingshah phone ha kaba utei uba la phone u la kam ïalade ba udei u ‘Raj’, bad kam ruh ba udei u inquiry officer’ (IO) napoh ka tnat ‘TRAI’ bad u la pyrshang ban thok pisa ïa u.
Ha kawei pat ka jingjia u Associate Prof. ka University ha Shillong u la phah ka jingujor ba ha ka 4 tarik u Naiwieng, 2024, u la ïoh ïa ka video clip ha ‘Facebook’, hynrei u Proprietor of Infosys Pvt. Ltd., u la sam ïa ki jingpyntip shaphang ka Artificial Intelligence (AI) kiba don nongrim halor ki jingpynlut bad ki jingmih kiba bun. Haba pynbud ïa kane, utei uba la ujor u la thep ka pisa kumba T. 21,044/- online, ha ka kyrteng jong ka tnga jong u bad hadien u la sngewthuh ba u la shah thok.
Shuh shuh ki pulit ki la ïathuh ba u Rajnikanth Kumar u la phah ka jingujor ba ha ka 3 tarik mynta u bnai, ki runar bym lah ithuh ki la tuh ïa ka thok thuk jong u kaba don u nombar AS-18N-4016 na Kodamsali (WGH).
