Pyrshah ka HYC ba khot thungkam Nurse ka NEIGRIHMS da ka NORCET
![](https://mawphor.com/wp-content/uploads/2023/05/neigrims.jpg)
Shillong, Nailar 25: Ka Seng HYC ka la pynpaw ka jingpyrshah ïa ka jingleh ka NEIGRIHMS ban khot thungkam Nurse lyngba ka Nursing Officer Recruitment Common Eligibility Test (NORCET).
Ka Seng ka la phah da ka jingthoh sha u Director jong ka NEIGRIHMS ban pynpaw ka jingpyrshah halor kane, nalor ba ka ka jingpynbna ha ka website jong ka All India Institute of Medical Sciences (AIIMS) dang pynbna mynta ka sngi ban aplai online, ka last date ne ka tarik ba khatduh pat la buh ba kan long ha ka 28 tarik mynta hi u bnai, katatang lai sngi.
Ka Seng ha ka jingthoh ba la phah da u Director NEIGRIHMS bad sha ka Myntri ka tnadka koit ka khiah ka sotkar Meghalaya, ka Dr. Ampareen Lyngdoh, ka la dawa ban pynsangeh shuwa ïa kane ka eksam, namar ba ki samla pule Nurse kim pat tip bha ïa kane.