Pyrshah jur ka HITO ïaka MoU pynbeit pud hapdeng ka Assam bad Meghalaya

Jowai, Ïaïong 11: Ka Hynñiewtrep Integrated Territorial Organization (HITO) kum ka dak jong ka jingpyrshah halor ka jingïapynbeit pud hapdeng ka jylla Assam bad Meghalaya, mynta ka sngi ka seng ka hair sha ka shnong Saphai West Jaiñtia Hills ban plie ïa ka Sign board ha ka shap jong ka seng HITO Saphai kaba la thoh “Welcome to Megha-laya Jaiñtia Hills District”.
Kane ka jingplie sign board ka long kum ka dak jong ka jingbym hun satia ïaka Memorandum of under-standing (MOU) ba la ïasoi ha pdeng kine ki ar jylla, la pynsngew ba ïa kane ka MOU la leh tang da ka jing sngewthuh para Myntri Rangbah jong ki ar jylla khlem don ka jingmyn jur lang jong ki paidbah ka jylla.
Ha kane ka sngi lawan ban ïadon lang naduh u Rangbah Shnong ka Saphai ma Valintine gino Synnah, u Officer inchagre ka Saphai Police Outpost, ki dkhot ka seng bad kiwei kiwei de.
Katba na ka liang u President rangbah ka seng u samla Donbok Dkhar haba ai jingkren ula ong ba u myntri Rangba ula sukor ïa ki paidbah ka jylla da kaba soi klumar ïa ka MOU tang lyngba ka Google Map. Ula ong ba ka seng kala kren shai ba kan ïakhun dohïap na ka bynta u pud u sam bad ka jaitbynriew, ula kynthoh jur ba kane ka jingleh ka sorkar ka long tang ban pynthame Election ïa ki paidbah nongshong shnong.
U samla Dkhar ula ong ‘na ka bynta ka Ri ka jaitbynriew ngin pynkhreh ïa ka wait ka stieh kaba long ha ka dur u khulom ban ïakhun shaduh ïingkashari ba donburom ban ïada ïa ka khyndew ka shyiap jong ka bri u Hynñiewtrep.