Shillong, Nailur, 07: Ka Khasi Students’ Union (KSU) Mawlai Circle kumba ju long manla u snem ha kane ka kynti kan pynkup burom da ka Maitshaphrang Excellence Awards 2023-24 ha ka 19 tarik Risaw, 2024 kum shi bynta ban ai mynsiem bad ithuh kyrpang ïa ki samla bad ki khynnah kiba la lah leh bha ha ka jingpule jong ki ha ki kyrdan bapher bapher.
U kyrwoh ba la phah da u Chairman ka Education Cell, KSU Mawlai Circle u samla Samuel Lyngdoh Nonglait ula pyntip ba ka jingsam ïa ki khusnam kan long tang ïa ki samla bad ïa ki khynnah pule jong ka shnong bad ka thaiñ Mawlai baroh kawei kiba pas bha ha ki jingpule bapher bapher kata naduh SSLC haduh Ph.d.
Ka seng ka kyrpad ïa ki khynnah skul bad ïa ki samla pule ba kin phah ïa ki Marksheet ne ki Certificates jong ka SSLC – Top Twenty (Merit list), HSSLC – Top Ten (Merit list), Graduate – Merit list, Master- Merit list bad Ph.d manla ki Department. Ïa ki jingtip ba kham bniah ki khynnah skul bad samla pule ki lah ban telephone ha u nombar :8794550302, 8259808315, 8729803693.
