Shillong, Naiwieng 01: Ka Director of Health Service (Medical Institutions), Shillong ha ka Lah Sngi U Blei ka la pyntip ba katto katne ki Head of Account kin ym lah ban siew ïa ka tulop haduh u bnai Lber, 2023.
Ha ka shithi ba la phah sha ki tnat bapher bapher jong ka Koit ka Khiah, ka DHS (MI) ka la ong, “khnang ba ka Directorate kan dup lah ban pyndap ïa ka jingduna na ka bynta ban pynbiang ïa ka pisa ha ka por kaba biang, la kyrpad ïa ka Treasury Office hapoh ki District jong phi ban pynkhuid ïa ka jingsiew tulop na ka bynta u bnai Risaw hapoh ka object head 01. Salaries ha lane shwa ka 4 tarik, Naiwieng, 2022.”
Ïa kane ka shithi la phah sha ki District Medical & Health Officer (DM&HO) jong ka Shillong/Nongstoiñ/Nongpoh/ Mawkyrwat/Jowai/Khliehriat/Williamnagar/Tura/ Baghmara/Ampati/ Resubelpara, sha u Surgeon Superintendent (Jt DHS), Civil Hospital,Shillong, Medical Superintendent (Jt.DHS) Ganesh Das Hospital, Shillong, Superintendent, R.P.Chest Hospital, Shillong and the Superintendent, Civil Hospital Jowai/ Tura, sha Additional Superintendent, i/c MIMHANS, Shillong, u Medical Superintendent, Nongpoh/Nongstoiñ/Williamnagar/ Baghmara/ Mairang/Khliehriat/Ampati.
Ka Director ka la phah ruh ïa kane ka shithi sha u Medical Superintendent Women and Child Hospital, Tura/Jowai, Deputy Director of Health Services (Malaria) Shillong, State Tuberculosis Officer Shillong bad ka District Malaria Officer, Williamnagar/Tura/Jowai/Shillong/ Nongstoiñ nalor ba la phah sha u Jt. Director of Health Services (In the Division), Tura, u Executive Engineer, sha ka Health Engineering Wing Shillong Bill Section bad sha ka Directorate of Health Services (MI).
“Namarkata, la kyrpad ïa phi ban pynbiang ïa ka jingsiew tulop ba manla u bnai naduh u bnai Naiwieng, 2022 haduh u Lber, 2023 sha ka ophis ba la soi kyrteng ha lane shwa ka 10 tarik, Naiwieng,” la ong ka DHS (MI).
Ka DHS (MI) ka la maham ruh ba ka Controlling Officer/DDO jong kitei ki shnat treikam ki bym lah ban ai jingtip ha ka por kaba biang, kin hap ban shim hi ïa ka jingkitkhlieh lada slem ka jingpyllait ïa ka tulop.
Ïa ki jingdonkam lah ban phah lyngba ka email: dhsmi@rediffmail.com/ budgetdhsmi@gmail.com, la pyntip u DHS (MI).
