Shillong, Nailar, 16: U Most Revd. Dr. P. Lyngdoh, u President jong ka SAFF u ai khublei sngi jinglaitluid ïa baroh ki nongshong shnong ha ka Jylla bad ka ri India baroh kawei.
“To ai ba ka mynsiem jong ka jinglaitluid kan ïalam ïa ngi baroh ban lait na ki jingsniew kiba pyntroin ïa ka imlang sahlang,” ong u kyrwoh na ka SAFF ba la soi da u President u Bishop P. Lyngdoh bad u Secretary u Fr. Richard Majaw.
Ka jingïalang jong ka Shillong All Faiths Forum (SAFF) kaba la ïakynduh ha ka sngi Saitjaiñ ha Umshyrpi College ka la pynthymmai ïa ki nongkitkam na ka bynta kawei ka samoi treikam jong u snem 2022-24.
Ïa ka kam President la bynshet ha u Bishop P. Lyngdoh, Vice President Naba Bhattacharjee, Secretary Fr. Richard Majaw, Jt. Secretary Arup Barua bad Treasurer Rev. Nangroi Suting.
