Jowai, K’Lyngkot 23: Ka Nehru Yuva Kendra, Jowai (NYKs) lyngba ka Ministry of Youth Affairs & Sports jong ka sorkar kmie ha ryngkat ka jingïatreilang bad ka tnad pulit (Traffic) ka West Jaiñtia Hills District, Jowai haka jingïalam u bah Damanbha Pale, MPS S.P. Traffic Branch, Jowai. Ki la pynlong ïa ka prokram ‘Road Safety Awareness Campaign’ shi bynta na ka jingrakhe ïa ka National Road Safety Week 2025 kaba la sdang naduh ka 17 tarik haduh ka 23 tarik u Kyllalyngkot, 2025.
Ha kane ka prokram la wan ban ïashim bynta haduh 25 ngut ki Youth Volunteers kynthup ïa ki 17 ngut ki shynrang bad 8 ngut ki kynthei.
Ha kine ki san sngi na ka liang ki Volunteers ki la ïoh lad ban sam paidbah ïa ki Pamphlets ha ki ar tylli ki jaka ba long ïew kata ha Iawmusiang and Iawthymme (Traffic Point).
Baroh ki Youth Volunteers kiba la wan ban ïashim bynta kiba pynpaw ka jingsngewkmen ban ïadonlang ha kane ka prokram da kaba ai ka jingïaroh ruh ïa ki bor pulit ba pynïaid kali (traffic) kiba la ai jingmut shibun eh ïa ki.
