Jowai, K’lyngkot, 23: Ka Jaiñtia Student Union (JSU) sengkmie mynta ka sngi kala ïa kynduh ïa u Myntri Rangbah ka jylla u Conrad K Sangma bad ïa u Symbud Myntri Rangbah ka jylla u ma Snaiwbhalang Dhar haka sngi plie ïa u Stadium ha Wahiajer bad ka seng ka la ai daka dorkhat halor ar tylli ki mat ban pynrung ïaka thup jingrwai Jaiñtia hapoh ka Anthem bad ka jingpyrshah ba thmu ka sorkar ban wanrah ïa ka Railway ha Ri Jaiñtia.
Ka seng ka lah pynsngew ha u Myntri Rangbah bad sha u Symbud Myntri Rangbah ba ka Jaiñtia ka dei ban paw lang haka thup State Anthem kat kum ka dorkhas la ong ba ka Jaiñtia National Durbar lah thaw ïaka naduh u snem 1900 ban ïakhun ban dawa Hill state ha kitei ki por bad ka lah ong ruh ba ïaka jylla ruh la ïoh na ka Assam ha u snem 1972 dei ba lah shim na ar tylli ki ditrik ka Assam ka United Khasi and Jaiñtia Hills bad ka Garo Hills.
Ka seng ka lah pynsngew ruh markhmat bad u CM ba ïaka Railway ba ka sorkar da lei lei kam dei ban wan rah shapoh Ri-Lum Jaiñtia namar ka ktah ïa ka jingbuhai shnong ki mynder namar ïa mynta ka jylla kam don aiñ kaba biang ban pyrkhing ïaka jingrung kyrthlep ki mynder ri bad ki nongïalam ka seng kila kyntu ïa u CM ba dei ban wanrah shuwa ïaka aiñ ILP bad sa ïapeit pat ban ïoh pdiang ïaka railway hapoh Ri-Lum Jaiñtia.
Na ka liang u CM u la kular ban shimkhia halor kane ka jingdawa ka seng bad un sa pynsngew lang sha ki para myntri hapoh ka kynhun Myntri.
