Pynrem jur ka Synjuk Ki Shiphew Dorbar Shnong Shillong West halor ka jingjia ha Mukroh

Shillong, Naiwieng 22 : Ka Synjuk Ki Shiphew Dorbar Shnong Shillong West kaba kynthup ïa shiphew tylli ki Dorbar shnong kiba don hapoh u pud u sam jong ka 18 – West Shiloong constituency ha ka jingïalang kaba la long kyrkieh ha ka 23 tarik Naiwieng 2022 ha Lumdiengjri Community Hall, Shillong ka la pynpaw ïa ka jingsngewsih halor ka jingjia kaba la jia ha ka Shnong Mukroh ha ka 22 tarik Naiwieng 2022 ha kaba ki paradoh parasnam ki lah shah siat ha ki pulit jong ka Assam bad san ngut ki lah duh ei ïa ka jingim jong ki.
Ka Synjuk ka pynrem jur halor kane ka jingleh riewkhlaw jong ki pulit Assam bad kum ka Synjuk da ka mysiem kaba sngew khia ka kyrpad ïa ka Sorkar Meghalaya ba kan ai ka jingïada ïa baroh ki nongshong shnong kiba sah ha ki khappud khnang ba kum kine ki jingjia ba sngewsih kin nym jia shuh nangne shakhmat.
Kum ka Synjuk ka phah ïa ka jingsngew lem sha baroh kito ki longïing kiba mad ïa kane ka jingjia kaba sngewsih bad ka ai ruh ïa ka jing kitbok ïa kito kiba mynsaw kiba dang don hapdeng ka jingsumar.