Shillong, Risaw, 10: Ka Shillong Christian Youth Organisation and Conference (SCYO&C) ka la pynpaw ïa ka jingsngewkhia bad ka pynrem jur ïa ki kam pyntriem kiba la jia ha sor Shillong na ka por sha ka por.
Ka SCYO&C ka sngewsih bad pynrem jur ïa ka jingshah pynïap bein jong u heprit Kyrshanbor Kharmudai na ka shnong Nongrah ha ki riew runar ha ka 9 tarik, Risaw, 2025, ong u kyrwoh ba la phah da u General Secretary ka seng u Bah S. Ryngkhlem.
“Ka jingjia ba kum kine ka pynkyndit bad pynshong syier ïa ki nongshong shnong jong ka sor Shillong. Halor kane ka jingjia kaba sngewsih, ka SCYO&C ka pynpaw ïa ka jingsngewlem ïa i meisan bad baroh ki bahaiing hasem jong u heprit bad ka duwai ba U Blei un ai ka jingtngen ïa ki,” ong u kyrwoh.
Ka SCYO&C ka phah ruh ïa u kyrwoh sngewlem sha ki bahaiing hasem jong i heprit (Late) Insaphira Lyngdoh Mawnai na ka shnong Nongrah iba la duh noh ïa la ka jingim ha ka 14 tarik, Nailur, 2025 ha ka rukom kaba dum.
Ki jingjia kiba kum kine ki ktah ïa ka long briew man briew, ka imlang sahlang bad ka pynjah burom ïa ka jaidbynriew Khasi ha khmat ka pyrthei, la bynrap u kyrwoh.
