Shillong, Nailur 20: Ki shipai BSF ki la ïoh ban pynpulom ïa ar tylli ki jingthmu ban shallan beaiñ sha Bangladesh, kane kadei kawei ka reng muid bad kawei pat ka kyiad, kine kila ïoh kurup ha ka por ba dang thmu ban phah sha Bangladesh.
Ki BSF ki la bat ïa kawei ka kali ha khappud Bangladesh bad haba la peit ïa ki mar kiba ka kali ka la kit la shem ba baroh shi kali ki dei ki reng muid kiba la kit ban phah sha Bangladesh ïa kine ki reng la thep ha ki byrni.
Ha kawei pat ka jingïoh kurup ki shipai BSF mynta ka sngi ki la ïoh ban kurup bun tylli ki song kiba la buh ha khappud sha ban phah sha Bangladesh bad haba la plie la shem ba ki dei ki kyiad kiba la song ha ki synduk kot bad haba kheiñ dor kila kot sha ka T.13 lak tyngka.
Ki BSF kiba don ha khappud ki long kiba peitngor bha ban pynthikna ba kan nym don ka jingïakhaiï beaiñ sha khappud bad ka Bangladesh bad kin dang ïai pyrkhing shuh ban pynthikna ka kan nym don ka jingkhaiï beaiñ sha Bangladesh na India.
