Nongstoiñ, Naiwieng 03: U Deputy Commissioner (Supply) West Khasi Hills District, u la pyntip ba baroh ki Hotel/Restaurant/Dairy/Dukan Sha & Ja kiba don hapoh ka West Khasi Hills District, ba kin pyndonkam beit da ka commercial cylinder (LPG) ba 5 Kg, 19 Kg lane 47.5 Kg ryngkat ki commercial regulator bad ki hoses ha kaba shet jingshet ha dukan ym da ki domestic cylinder (14.2 Kg), namar ba kim biang/ïahap ka gas flow rate/non-standard regulators bad kane ka lah ban wanrah ïa ka jingkem ding bad bthei ki cylinder lane ka jingmynsaw.
Ïa kine ki commercial cylinder bad ki regulator phi lah ban ïoh/apply na M/s Ailang Gas Agency Nongstoiñ bad kan don ruh ka jingleit jurip ïa ki Hotel/Restorant/Dukan ja/sha bad kiwei na ka liang jong ka ophis u Deputy Commissioner (Supply).
Lada lap ïa kiba pynkheiñ ïa kane ka jingbthah ki lah ban shah pynshitom katkum ki kyndon jong ka LPG (Regulation of Supply & Distribution) Order, 2000. Baroh ki dei ban shimkhia ïa kane ka jingbthah bad ban bud ryntih khnang ba kan long ka jingbha lang ïa baroh.
