Pynlong prokram kyrpang ka skul JNV Rymbai halor ka National Education Policy
![](https://mawphor.com/wp-content/uploads/2023/07/ejh-Copy.jpg)
Khliehriat naitung 27: Ka skul JNV Rymbai East Jaiñtia Hills District mynta ka sngi ka la pynlong ïa ka prokram ba kyrpang halor ka jingdap lai snem kynthih ka National Education Ploicy kaba la pyllait da ka sorkar India naduh u snem 2020.
Haba kren ha ka jingïalang, u Principal jong ka JNV Rymbai, u Indra Kumar Das, u la pynshai sah ki khynnah skul halor katei ka policy kaba ïadei bad ka pule pithi kaba la pyllait naduh u snem 2020, u la pynshai ruh ba kane ka policy ka ïarap shibun ïa ki khynnah bad ruh kan kyntiew ïa ka pule puthi, u la batai ruh ba kumno kane ka policy ka wanrah jingmyntoi bad jingkylla dur ha ka nang ka stad ha ka ri, la ong ba kane ka ploicy ka ai ïa ka jingtip ne jinghikai kaba long solonsar ïa baroh bad ka kynthup lang ruh ïa baroh, ka pyni ruh ïa ki lad iohkam ioh jam, ha kajuh ka por ka buh thong ruh ba haduh 100 percent ki samla kin ioh ïa ka jingnang jingstad, ka don ruh ka Board Examination, kane ka policy kan kyntiew ruh ïa ki thaiñ bapher bapher haduh ka kyrdan ba phra.
Kumjuh ruh u TGT Hindi, u Diwakar Kumar bad u Mohit Rajput, ki la kren bad pynshai halor kane ka National Education Policy 2020 bad ong ruh ba kane ka policy ka long kaba biang bha ban kyntiew ïa ka jingnang jingstad ha ka ri hi baroh kawei.
Ha kane ka prokram la ïa don lang ki nonghikai bad ki khynnah skul jong katei ka skul JNV Rymbai.