Pynlong prokram kyrpang ka company Amrit Cement Ltd bad ka CII Project Kaksha ha ki ar tylli ki skul ha EJHD
Khliehriat Nailur 30: Ka company dewbilat Amrit Cement Ltd ha ryngkat ka jingïatreilang bad ka CII Project Kaksha ka la pynlong ïa ki prokram ba kyrpang ha ki ar tylli ki skul ha East Jaiñtia Hills District, ka jingthmu jong kane ka project ka long ban kyntiew ia ka thoh ka pule ha ka thaiñ, ia ka prokram la pynlong ha ka 27 tari bad 28 tarik ha Rymbai Presbyterian Upper Primary School abd ha R.C.P.L School Mynkre.
Kiba la mihkhmat na katei ka CII Project Kaksha, ki kynthup u Director Education CII Confederation of Indian Industry, u Subhajit Poddar, ka Principal Education CII, ka Shalini Sharma, u CEO Spring, u Allan Rodrigues, la ïa don ryngkat lang ruh u Plant Head jong ka Amrit Cement, u Sawan Jasolia, u Administration Head, uba dei ruh u General Manager jong ka Amrit Cement, u Pawan Yadav , u Doloi jong ka elaka, ki Secretary Shnong bad ki riew rangbah jong kitei ki ar shnong.
La ong ba ka jingthmu ba wanrah ïa kane ka Kaksha project ka long ban kyntiew ïa ka thoh ka pule bad ha kajuh ka por ban wanrah ïa ka rukom hikai kaba thymmai kaba da ki rukom hikai bapher bapher ban pynsgewtynnad ïa ki khynnah pule, ha kane ka prokram la ïa shim bynta da ki 250 ngut ki khynnah bad khatwei ngut ki nonghikai kiba na Rymbai Presbyterian Upper Primary School.
Hadein ba la pyndep ïa ki prokram ka CII Project Kaksha ka la ai sngewbha abd nohsyniang haduh kumba shi spah tylli ki kot pule sha ki bor pyniaid skul na ka bynta ba kin buh ha ki School Library ba ki khynnah kin pule.
Ha ka prokram ba la pynlong ha Roman Catholic Lower Primary School ha Mynkre, ki la don 130 ngut ki khynnah bad hynñiew ngut ki nonghikai kiba la ïa shim bynta, ha kane ka skul ha Mynkre ruh ka CII Project raksha ka la noh syniang 100 tylli ki kot ban buh ha ki Library School.
Ha ka prokram, ki tei kiba wan na ka CII Project Kaksha, ki la lum lang ïa ki khynnah bad phiah ha ki kynhun bad ki khynhun jong ki khynnah rit ki la pyni ïala ki sap dro dur jong ki ha kaba katei ka Project Kaksha ka la pynbit pynbiang lypa ïa ki kot sada, ki let rong bad ki khynnah kin dro dur bad ong ba da kaba dro ïa ki dur kan iarap shibun eh ban kyntiew ïa ka pyrkhat pyrdaiñ jong ki khynnah.