Mih ki bor District bad nongshong ïew ban pynkhuid ïa ka Iawmusiang

0

Jowai, Nailur 30: Shi bynta na ka jingrakhe ïa ka ‘Gandhi Jayanti’ na ka liang ki bor pynïaid District ka West Jaiñtia Hills ha ryngkat ka Dorbar Shnong Iawmusiang, ki nongshong ïew, ki Committee ïew, ka Municipal Board mynta ka ngi kila ïashim bynta lang ban pynkhuid ïa ki jaka ïew kiba kynthup ïa ka ïew CNI, ïew Seiñ Raij, ïew Shyiap Jowai bad ki bynta jong u Surok Iawmusiang.
Kumba juh long manla ka snem ïa kane ka jingpynkhuid (Cleaning Drive) la ju leh haka 2 tarik u Risaw hynewi kane ka sngi kala hap ha ka sngi U Blei, kumta la pynbeit ban pynlong mynta hi ka sngi Thohdieng 30 tarik.
Hashwa ka jingpynkhuid la don ka jingïalang ba lyngkot naduh ka por 8 baje mynstep na phyllaw ka ophis u Deputy Commissioner Office (Election) ïa kaba la plie da u Additional Deputy Commissioner u Prafulla Kumar Boro, MCS.
Na ka liang ka ophis u Deputy Commissioner kala bthah ïa baroh ki ophis sorkar hapoh ka District ba kin mih ban ïashim bynta lang ha ka ban pynkhuid ïa ki phyllaw bad ki ophis treikam jong ki.

Leave A Reply

Your email address will not be published.