Pynlong ka MSKDF ïa ka North East Karate Championship ryngkat ka jingïatreilang bad ka NEKSF
Shillong, Naitung 12: Ka MSKDF ka la lah ban pynlong ia ka 2nd Edition jong ka lympung ïalehkai North East Karate Championship dang shen ryngkat ka jingïatreilang bad ka NEKSF ïa kaba la plie pyrda ha ka 08 tarik mynta u bnai.
Ha kane ka sngi sdang ïa kane ka lympung la wan ban plie pyrda da i Bah Mawthoh, kata ha ka 8 tarik bad la khyliap pyrda noh ha jan miet jong ka 09 tarik mynta u bnaii da i B. Kharbuli u ba dei u Ex Chief Engineer jong ka PWD.
Ha kane ka sngi, la ïoh ban sakhi ïa ka jingwan poi haduh kumba 1048 ngut ki briew ki ba kynthup ia ki players, ki Coach, Technical Official, Volunteers, ki dkhot lem bad ki Kmie ki Kpa na kylleng ka thaiñ North East ki ba la wan ïa shim bynta sha kane ka lympung Karate.
Shuh shuh ha kane ka lympung ka ba i shong shit bad i shong kun la don ryngkatlang bad u Hanshi Bharat Bhusan Sharma u ba dei u khlieh duh jong ka Karate ha India ban Kyrkhu kyrdoh bad ai mynsiem ia kane ka Championship ryngkat u Sanjeev Kumar Jangra u ba long u General Secretary jong ka Karate India Organization (KIO) bad ruh u Premjit Sen World Karate Federation (WKF) u Referee u ba na Kolkata, West Bengal u ba la ai jing hikai ruh ha ka National Seminar & Examination ïa ki Northeast Referees ha ka 7 tarik, July 2023 ha venue Laban Indoor Hall.
Haduh kaba kut jong kane ka lympung, ka Assam ka la ïoh ban rah ïa ka nam lahduh ha kane ka Championship nangta bud pat da ka Arunachal Pradesh bad Sikkim ha ka kyrdan ba ar bad ba lai. Katba na ka liang jong ka Meghalaya ka la poi sha ka kyrdan ba san. Ki nongïalehkai kiba mihkhmat ïa ka Meghalaya ki la ïoh ban khur haduh 19 tylli ki takma kiba kynthup kawei ka takma ksiar. Ki kyrteng jong ki nong jop medal na ka bynta ka jylla ki long kumne harum:-
U Jefferson Ryndong (Sub-Jr-35kg) u ba la ïoh ban khur ïa ka takma ksiar, Pynïohnam Myrboh (rnong), Bankhrawnam Ryndong (rnong), Fullshai Myrboh (rnong), Wanpynkhraw Marboh (rnong), Alfinia Warjri (rnong)Edaka Warjri (rnong), Espiranza S. Songthiang (rnong), Dakaebaka L. (rupa), Same Emlang Iawin (rupa), Feliza Hujon (rnong), Ngi Banylla Iawin (rupa), Bashisha Nongrum (rupa), Sany Khyriemmujai (rnong), Arkin Khraw Dkhar (rnong), Banmankhraw Dkhar (rnong), Evadahunshisha Kharmudai (rnong), Tanya Kumari (rupa), Himanshu Kumar (rnong).
Haba phai khyndiat sha ka Meghalaya State Karate-Do Federation (MSKDF) kaba la register ha ka state naduh 1993 ka ba la ioh ban shimti kum ka khlieh Karate Association ha Meghalaya hadien ba la ithuh lyngba na ka Karate India Organization (KIO) ka ba la lam khlieh da u Hanshi Bharat Bhusan Sharma bad ka ba la ioh jingithuh ba pura na ka World Karate Federation (WKF).
Ka MSKDF ka la ïoh jing-ithuh na ka KIO naduh 2021 bad ka dang shu lah ban pynlong tang artylli ki state level Karate Championship ha u snem 2022 bad u 2023 ka la ïoh pat iïa ka jingkyrshan na ka NEZKA ka ba dang shu lah pynkylla kyrteng bathymmai sha ka North East Karate Sport Federation (NEKSF) dang ha ka 7 tarik u July, 2023 ha ka jingïalang jied dkhot bathymmai katei ka seng ha Hotel Majestic, Polo, Shillong 1. President – Kiran Singh Thangjam(Manipur) 2. Vice Presidents : a). Bidhan Ballav (Sikkim) b).Donny R.Ranee (Meghalaya.) 3.General Secretary- Nagen Bongjang (Assam) 4).Jt.Secretary – Pinaki Chakoraborty.