Jowai, Naitung 31: Ka Tep Kyndait Government U.P. School, Tuber Kmaichnong mynta ka 31.07.2026 ka la pynkut ïa ka Training Self Defense Training for Girls kaba la mang da sorkar lyngba ka ophis treikam jong ka District Mission Co-ordinator Samakra Shiksha, East Jaiñtia Hills District ha ka kyrteng jong ka Scheme Rani Lakshmi Bai Atma Raksha Pratiksha.
Kane ka training kaba la sdang naduh u bnai April 2026 kaba la buh ban pynkut ha u bnai June tang na ka bynta lai bnai bad la bteng ïa ka, na ki daw ba bun ki shuti ha kine ki sngi ba lah dep, la ïathuh kawei na ki nonghikai ka Eitilang Siangshai, MA. B.Ed.
Ha shuwa ban sam ïa ki certificate sha ki khynnah skul ba ïashimbynta, la ïoh ka jingkren lyngkot na u Headmaster jong ka skul u Sir Riquoma Rq. Laloo; uba la ong ba, ki khynnah ki ïoh shibun ki jingmyntoi na kane ka training. U la kyntu jur ia ka Sorkar ba kan ailad shuh shuh na ki por sha ki por kum kine ki training, kiba ïarap shibun ïa ki khun kynthei ka Ri ban ïada ïalade na ki jingeh ba bunjait.
U la pynpaw ka jingsngewnguh ïa ka West Jaiñtia Karate-Do Association, Jowai, kaba la wan ban ai jinghikai, da kaba aiti ha u Ribait oo Pde, Black Belt, kum u Instructor jong ka Training bad ha kajuh kapor u da shimkhia bha ïa ka kam. Ka jingai jingïarap ka ophis DMC, ka long kaei kaei kaba pynkmen ïa ka skul hi baroh kawei, ym tang ïa kito kiba ïoh jinghikai wat ki Nonghikai ruh.
U Headmaster u la buh ka jingkyntu ïa ki students ba kidei ban pyntreikam ïa kine ki jingtip ba ki laïoh. Practice manla ka step ha ïing, kilan ïa ka met ka phad kaba long kawei na ki dawai ban pynkoit pynkhiah. Lada phi shu ieh sah ïa kane ka jingtip, kan long lehnohei kane ka jingïarap ka Sorkar ula ongi.
La ïoh ïa ki kyntien ai khublei na kawei na ki Nonghikai ka Waphasan Bareh, MA. M.Ed, kaba la ai khublei ïa baroh.
