Shillong, Nohprah 19: Ka Dorbar Shnong Riatsamthiah ha ka sngi Balang ka la pynlong ïa ka jingpynkhuid shnong bad kumjuh ruh ka la pynkup burom ïa ki ophisar bad ki nongtrei jong ka tnat Public Health Engineering (PHE), ki nongtrei ka Public Works Department (PWD) bad kumjuh ruh ïa ki nongtrei ka Shillong Municipal Board (SMB), kiba la shim ïa ki jingkitkhlieh ban sumar bad ban pynkhuid manla ka por ïa ka shnong baroh kawei.
Ha kane ka sngi ba la pynlong ïa ka jingpynkhuid shnong u Rangbah Shnong u Bah M Kharkrang u la pynkynmaw ïa ki nongshong shnong ba ki kam ba la shakri da kine ki tnat barabor la ju kheiñ sting bad ïa ki jinglong kongsan jong ki la sngewthuh tang ha ka por ba kim don ba ki briew kin ïohi.
“Kane ka jingpynkup burom ka long kum ka dak ka jingieid halor ka kam ba ki la aiti ïa la ka kamram na ka bynta ka bha ka miat jong ka shnong baroh kawei,” ong u Bah Kharkrang.
