Shillong, Naitung 07: Ka Rotary Club Shillong kawei kawei ki seng treimon sngewbha ba paw bha ha kane ka jylla Meghalaya ka la pynlong ïa ka jingpynkup burom ïa u Amit Saraf u ba la shah jied kum u president ba 68th jong kane ka kynhun.
Ïa kane ka jingpynskhem kum u President ba thymmai la leh da ka Director General ki pulit ka jylla Meghalaya ka Kong Idashisha Nongrang kum ka kongsan ha ka jingïalang kaba la long ha jaka treikam ka seng ka Shillong Club ha kaba la skhilang da ki dkhot ka seng.
Ka Rotary Club jong ka Shillong ka la ju trei ïa ki kam babha jong ka ban ïarap ïa kiba shem lanot ha kiba bun ki khep na ka snem sha ka snem bad kane ka seng ka dei kaba la rim bha ha kane ka jylla Meghalaya, kane ka long katkum ka kyrwoh kaba la phah da u K. Verma Director.
