Shillong, Jymmang 17: Ka Ramakrishna Mission (RKM) Vivekananda Cultural Centre, Shillong ka la pynkup burom ïa ki 823 ngut ki samla jong ka Batch ba 114 ba pule Computer bad 52 ngut ki samla kiba pule ha ka subject Language.
La ïathuh ba ka RKM ka la ai jinghikai ïa ki 6,000 ngut ki samla man la u snem ha ki jinghikai bapher bapher kynthup ha ka subject Computer bad ka Centre ka la ai jingithuh ruh ïa 1,129 ngut ki nongshah hikai na ki jylla bapher bapher jong ka thaiñ Shatei Lam Mihngi.
Ha kane ka sngi ïa ki samla la pynkup burom da ki Momento bad kiwei ki khusnam bapher bapher.
Halor kane, kiba la ïoh ïa ki khusnam ki kynthup ïa ka Sonidaphitori Myrthong na ka bynta ka Computer-Beginner, u Gautam Bahadur na ka bynta ka Intermediate, ka Madonna Nongsiej na ka bynta ka Tally-I, ka Philasara Nongkhlaw na ka bynta ka Tally-II, ka Ameda Giovana Kyndiah na ka bynta ka DTP & Webdesigning, ka Josephine Rapsang na ka bynta ka Database, u Gautam Bahadur na ka bynta ka P Adv. Excel ryngkat ka Power BI bad u Dawanlumlang Khyriem na ka bynta ka Language and Communication Skill (Beginner).
Shuh shuh ha kane ka sngi la sam ruh ïa ki khusnam ha ka subject computer ïa ka Dibanshai Kharlynnai bad Reshina Hajong.
U Swami Vedeshananda, u Director jong ka RKM u la ai khublei ïa ki samla pule bad u la ai mynsiem ïa ki da kaba pynskhem ïa ki jingjop jong ki ha ki bynta bapher bapher.
Na ka liang jong u, ula pynpaw ba ka kot khubor Khasi kaba la pynmih kyrpang ïa kaei kaba u Swamiji ula kren ha kata ka jingleit jngoh kaba pawnam jong ka snem 1901, da kaba kyntu ïa ki samla ban sei ïa ka bor pyrkhat bad ka jingshaniah halade na kane ka pateng ba riewspah jong ka thaiñ.
Katba u Prof. Binayak Dutta, u Associate Professor, Department of History, NEHU ula kynthoh ba ha ka khyllipmat ba kine ki jingmut jingpyrkhat kiba dang samla ki rung sha kane ka jaka, ki la ïaid lypa ha kajuh ka lynti kaba u Swami Vivekananda ula ïaid lynti.
Ula kdew ba katba ki smartphone ki plie lad ïa ki samla ban ïoh ïa ka jingtuid jong ka jingtip kaba mut ba ki jingeh jong ki ha ka juk mynta ki kham khia, hynrei ki jingangnud jongki ki la kham heh katkum kata ka jingdonkam jong ki
