SHILLONG, ïaïong 14: Ka Meghalaya Taekwondo Association kaba dei ka synjuk ïalehkai kaba la pynïasoh bad ithuh da ka Taekwondo Federation of India, ka la pynlong ïa ka jingïalang ba kyrpang ban pynkup burom bad ai khusnam ïa ki khynnah ïalehkai jong ka kiba la tyngshaiñ bad wanrah nam ha ki kyrdan bapher bapher.
ïa kane ka jingïalang la pynlong ha ka 12 tarik ïaïong, 2025, ha Dorbar Shnong Community Hall ha Golf Links.
Ki la don baroh haduh 79 ngut kiba la ïoh ïa ka kyrdan Black Belts 1st Dan, 2nd Dan bad 3rd Dan bad 37 ngut ki Referees kiba la shah pynkup burom.
Ha kane ka prokram la wan kongsan da u Bah O. Mawthoh, uba dei u District Sports Officer jong ka East Khasi Hills ha ka jingïadonlang u General Secratary ka Meghalaya State Olympic Association, u Bah Finely L Pariat, kiba la pynkup burom ïa ki nongjop kiba la wanrah ïa ka jingithuh ïa ka jylla.
