Jowai, Jylliew 24: Ka Khasi Student Union (KSU) Jowai Unit mynta ka sngi kala ïoh ban pynkup burom ïa arngut ki samla pule na Jowai kiba poi haka Top-20 jong ka Secondary School Leaving Certificate (SSLC) Examination 2022 bala pynlong daka Meghalaya Board of School Education (MBOSE).
Kine ki ar ngut ki samla ki kynthup ïa u Weibha Nongtdu Lakiang na ka North Liberty Higher Secondary School bad ka samla Felicia Dan na ka Jaiñtia Secondary School Jowai.
Ha kane ka jingpynkup burom lawan ban ïadon lang da kiba ha ïing ha sem jong kitei ki samla pule bad ki dkhot ka seng na ka Jowai Unit naduh u President samla Ewanmi Phawa, Publicity Secretary samla Nidapoi Shadap, u President barim jong ka KSU Jaiñtia Hills District Unit ma Ohibait Dkhar lem bad kiwei.
Ka seng ka ong kane ka jingpynkup burom ka long shi bynta ban pynshlur ïa kine ki samla ban nang ïai minot haka jingpule jong ki kaba kham shakhmat ban poi sha ka thong, namar ka jingnang jingstad hi dei ka waitlam ban im ka ri bad ka jaitbynriew.
Ha kane ka sngi la ïoh jingkren na u Ohibait Dkhar nongïalam barim ka KSU ula pynkynmaw ïa ki Reservation Policy haka jylla bad ki khasi ki donkam ïaki percentage baheh ban ïoh leit pule Doctor bad kiwei dei lada ianujor bad kiwei ki jaitbynriew.
Kumta naka ta ka daw donkam ban minot khnang ban ïoh ïa katta ka Percentage baheh, ula ong ruh ba dei ban burom ïa ki kmie ki kpa kiba la shah shitom ban pynleit skul ïala ki khun haduh ba ki la poi haka kyrdan bapher bapher.
Ha ka juh ka por ka seng KSU Jowai Unit lyngba u President samla Ewanmi Phawa ula kyntu ïa kitei ki samla pule ba kim dei ban klet ïaka jaitbynriew lajong la ki don ha kano kano ka kyrdan.
