Shillong, Risaw, 04: Ka Khasi Students’union -Shillong Mihngi Circle ha ka 1 tarik u Risaw, 2022 ka la pynkup burom da ka khusnam “Maitshaphrang Academic Award 2022” ïa ki 65 ngut ki samla pule kiba la pas bha ha ki eksamin bapher bapher kiba kynthup ïa ka Secondary School Leaving Certificate, ka Higher Secondary School Leaving Certificate, ki Under Graduate, ki Post Graduate, ki Professional Course bad kiba la pyndap ïa ka PhD.
Ha kane ka sngi, la sakhi lang da u chairman jong ka North East Students Organisation u Bah Samuel B. Jyrwa uba la long kum u Kongsan ha ryngkat ka jingïadonlang jong u General Secretary ka Khasi Students Union u Bah Donald V. Thabah, ki nongïalam bad ki dkhot jong ka KSU, Shillong Mihngi Circle.
Ka Seng ka la ai sngewbha ruh da ka song pisa kaba arphew san hajar tyngka sha ka Riya Kharpran kaba la ïoh rung ha ka Top 20 jong ka eksamin Secondary School Leaving Certificate.
