Nongstoiñ, Rymphang 20: U Deputy Commissioner & Chairman (DDMA), West Khasi Hills District Nongstoiñ, bah Garod L.S.N Dykes, u la pyntip paidbah ba ka District Disaster Management Authority (DDMA), West Khasi Hills District Nongstoiñ, ryngkat ka jingïatreilang bad ka National Disaster Response Force (NDRF), kan pynlong ïa ka Familiarization Exercises FAMEX, lane ka jinghikai ïa ki paidbah nongshong shnong ka ban sdang naduh ka 24 tarik haduh ka 28 tarik u Rymphang 2025, ha kaba ïadei bad kumno ban leh lada jia ba wan lynshop ki bor mariang.
Ha ka 24 Rymphang 2025 kane ka prokram kan long ha KJP Synod Higher Secondary School Nongstoiñ, 25 Rymphang 2025 ha Seiñduli, Mawshynrut C&RD Block 26 Rymphang 2025 ha Nonglang PHC, Mawshynrut C&RD Block, 27 Rymphang, 2025 United National Secondary School, Rambrai (Mawrang), 28 Rymphang 2025 ha Mawrusyiar, Nongstoiñ C&RD Block
Kine ki jinghikai ki dei na ka bynta ban pynkhlaiñ shuh shuh ïa ka jinglong pynkhreh halor ki jingjia ba kyrkieh lada wan lynshop ki bor mariang bad ban pynshai paidbah.
