Shillong, Nailur 06: Ka nongbah Shillong ka dang pynkhreh ban pynlong ïa ka lympung ïalehkai Inter Office Futsal Tournament, ka BIG Futsal Fest kaba nyngkong, kaban long ha ka 10 tarik haduh ka 14 tarik mynta u Naitung ha Thrive Sports Arena, Lankyrding.
Kane ka lympung ba la pynlong da ka BIG FM, kawei na ki radio network ba paw jong ka ri India, bad kaba la ïoh jingkyrshan na ka sorkar bad ki kompeni shimet, kynthup ïa ka tnad ïalehkai jong ka Sorkar jylla, ka sorkar Meghalaya, bad ka Maruti Suzuki Arena. Kane ka lympung ka dei ka jingïalehkai ka ban wanrah ka jingïatylli bad pynïasohlang ïa ki ophis treikam kiba don ha kane ka nongbah kum shi bynta ban rake ïa ka futsal.
Ka BIG FM ka thmu ban pyndonkam ïa kane da kaba thaw ïa ka tamasa ïalehkai, ka jingïalehkai paralok, bad ka jingïalong kawei ha ka Sports, baroh katba ka kyntiew bad pynpaw ïa ka jingdonkam jong ka sports na ka bynta ka koit ka khiah. La khmih lynti ba kane ka lympung kan khring ïa ki paidbah kiba bun ban kyrshan ïa ki kynhun jong ki.
Ha kane ka BIG Futsal Fest kin don khad hynriew tylli ki ophis treikam sorkar, baroh ki ban ïakhun ha ka lympung kaba long ha ka knockout stage. ïa ka final la pynbeit ban pynlong ha ka 14 tarik u Nailur, ha kaba ar tylli ki kynhun kin ïaknieh ban long lahduh ban nyngkong jong kane ka Inter Office Futsal.
Ki riew pawkhmat ha ka phutbol kum u Eugeneson Lyngdoh bad u Samuel Shadap ki la ai ka jingkyrshan ïa ka BIG Futsal Fest, kaba la nang kyntiew shuh ïa ka nam jong kane ka lympung. Da ka jingkyrshan kaba khlaiñ na ki tnad sorkar, ki karkhana bad ki nongseng kam shimet jong kane ka thaiñ, ka BIG Futsal Fest ka kular ba kane ka lympung kan long kaba sngewtynnad bad ruh ban kyntiew bad nang pynroi ïa ka sports ha Shillong.
Haba kren halor kane, u Sunil Kumaran, COO jong ka BIG FM, u la ong, “Ha ka BIG FM, barabor ka jingïohi jong Ngi ka long ban wanrah ïa ki rynsan ki ban pynïatylli ïa ki paidbah bad ka BIG Futsal Fest ka long kaba biang bha na bynta kane.
Nalor ka tnat ïalehkai jong ka sorkar jylla bad ka Maruti Suzuki Arena, kane ka lympung la kyrshan ruh da ka Royal Enfield, Indian Bank, T7 News bad ka Directorate of Information & Public Relations, Government of Meghalaya.
