Pynkhreh ka DPDC da ka jingïalang ka mang tyngka 2027-28 hapoh SWGHD halor ki skhim pynroi

Shillong, Jylliew 22: Ka jingïalang jong ka District Planning bad Development Council (DPDC) ba dei jong ka South West Garo Hills District la pynlong mynta ka sngi ha Ampati ha ka jingpynïaid jong u Ian Botham K. Sangma, MLA kum u shongknor, ha kaba la donlang u Subir M. Marak MLA dkhot ka Committee bad ki khlieh na ki tnad sorkar bapher bapher.
Ha kane ka jingïalang la ïakren ïa ka jingpyntrei kam ïa ki skhim hapoh ka District ha kane ka snem mang tyngka 2026-2027, ka jingïakren ka long kiei ki skhim kiba la dep pyntrei, kiba dang sah bad kiei ki jingeh kaba ki ïa kynduh bad kumno ban leh pyndep ïa ki jingtrei ha kapor kaba biang, bad ïoh don ki jaka kiba hap ban peit bniah.
Ha kane ka jingïalang la ïa kren ruh kumno ban pyn khreh ïa ka mang tyngka jong u snem 2027-2028 na ka bynta ka South West Garo Hills District, kiei ki skhim kiba ha khmat eh ban tyrwa ha ka snem mang tyngka kiba la wanrah ha kane ka jingïalang bad ha kane ka jingïakren kila ïathir ba kumno ban kyntiew ïa ka ïoh ka kot ki paidbah.
Ha kane ka jingïalang ki la ïakren ïa shibun ki shnat trei kam ka sorkar, ka pule puthi, ka koit ka khiah, ka rep ka riang, kam pynroi sha ki nongkyndong, ki jingtei, ka umbam umdih ban kyntiew ïa ka ïoh ka kot bad ki kam na ka bynta ka imlang sah lang, la ïa kren ba kumno ban ïa sam ryntih ïa ka jingïoh bad bad ban pyntrei kam bha ïa ki skhim sorkar ban myntoi ïa ki paidbah ha ka District.
Haba kren ha kane ka jingïalang u shongknor ka DPDC u Ian Botham K. Sangma u la ong ba kaei kaba ki leh ka dei ban pynmyntoi ïa ki paidbah da kaba pyntrei kam bha ïa ki skhim, ha ka juh ka por u la ong ba ki jait skhim kiba kumno ban buh ha khmat eh ban kyntiew ïa ka ïoh ka kot ki paidbah.
Ïa ka jingïalang la pynkut da kaba ai jingmut kumno ban pynbiang ha kaba pynkhreh ïa ka mang tyngka na ka bynta ka district ha u snem 2027-2028 namar ki kwah ban ïoh ba ka jingkiew ha ka district kan long ha baroh ki liang da kaba pyntrei kam bha ïa ki skhim jong ka sorkar.