Jowai, Nailar 19: Ka Jaiñtia Student’s Movement ha ryngkat ka jingïadonlang u General Secretary JSM, CB samla Roitre Dkhar bad u Working President JSM CB samla Jimmy Raul Kharmuti ha ryngkat u President JSM WR samla Ribok N Biam mynta ka sngi ki la pdiang sngewbha ïa u samla Rangbah Pynbiang Rymbai kum u dkhot E.C jong ka Central Body ryngkat bad ki nongbud jong u bad ha ka juh ka sngi la pynkha ruh ïa ka Moodymmai Unit.
Ïa ka programme ha kane ka sngi la pynïaid da u samla Ribok N Biam President JSM WR bad la ïoh ïa ka jingkren sneng kyntu na u Jimmy Raul Kharmuti Working President JSM CB ha kaba u la pdiang sngewbha ïa ki nongïalam bad ki shipai na ka Shnong Mukhla bad ki Samla na ka Shnong Moodymmai Unit.
S samla Jimmy ula ong ba ka jingwan rung jong u samla Rangbah Pynbiang Rymbai kan long ka jingkyrkhu kaba khraw ïa ka ïing ka sem JSM baroh kawei bad un long kum u nongai buit ai bor ïa ka JSM namar u dei u riew Rangbah bala shemphang jong kane ka thaiñ baroh kawei.
Ha ka juh ka por ula ban ba ki shipai JSM ki dei ban long ki nongïarap bad nongda ha ka imlang sahlang bad ha ka shynshar khadar ba ym dei ki nongthaw kulmar ne ki nongleh bor.
Na ka liang jong u Samla Ritre Dkhar General Secretary JSM CB, ula ban ba ki Shipai JSM baroh kidei ban long kiba jai jai bad ïaineh bad donburom ha ka imlang sahlang, kiba ïatreilang ha Shnong ha thaw. La ïoh ïa ka jingkup bor bad bam smai ha kane ka sngi na u General Secretary JSM CB. Kumjuh ka jingkren bad ai mynsien ïa ki dkhot thymmai ka JSM da u Samla Rangbah ka JSM CB, samla Pynbiang Rymbai bad la ïoh ruh ka jingkren na u Secretary ka Moodymmai Unit.
La pynkut ïa kane ka programme da ki kyntien khublei na u samla Chanskhem Suchiang, General Secretary JSM WR.
