Pyndep ka Dorbar Ñiam ka Raij Jwai ïaka lehñiam kñia Pyrthat
![](https://mawphor.com/wp-content/uploads/2022/07/mawphor-1.jpg)
Jowai, Jylliew 29: Ka jingpynkhreh bad pyndep ïa ki jinglehñiam bapher ha ka jingïadei bad ka Shad Ñiam Behdeiñkhlam hapoh ka Raij Jowai ka long kaba ïaid shakhmat ha kaba la sakhi mynta ka sngi 29 tarik u bnai Jylliew ka Dorbar Niam ki khun ka Raij Jwai hapoh ka jingpeit jingpynïaid u Dolloi Waheh Puramon Kynjin ryngkat ki Langdoh jong ki kum na ka Raij Chyrmang, Raij Tuber bad Raij Ialong ki la wan ban pyndep ïa kawei na ki rukom lehñiam ne kñia ainguh aidem ba shisien shisnem kyrpang ïa u Syiem Pyrthat.
Wat hapdeng u slap ha ka por ba pyndep ïa kane ka lehñiam ne kñia ainguh hashwa ban mih na ïing Langdoh ïingkyntang ka Raij Jowai la don ka jinglehñiam ba la pyndep hapdeng ka jingïadonlang ka Langdoh ha kaba u Dolloi ryngkat u Langdoh, U Pator, ki Sangot bad ki Wasan Waheh kin shim ban peit bad bishar ïa ki dak ki shin ba mih paw ha ki lai tylli ki Kpu Ñiam ba la shet da ka Langdoh.
Ïa kane ka lehñiam ne kñia ainguh la pyndep halor u Lumkyndong ha kaba u Sangot Paswet ryngkat ka jingsynranlang u Sangot Pakyntein bad u Sangot Pasubon kila shim ban pyndep ïa ka lehñiam hakhmat ka duwan kaba long katkum ka rukom dustur jingngeit ñiam u khun hynñiewtrep hynñiewskum.
Hadien ba ki la pyndep ïa kane ka jinglehñiam na Lumkyndong ka bynta ba dangsah jong ka jinglehñiam la pyndep ha Madan bamkñia Pyrthat ha kaba ki khun ka Raij Jwai ryngkat ki riew rangbah na Raij Chyrmang, Raij Tuber bad Raij Ialong kila wan ban ïadon bynta lang ha ka jingïa bam