Pyndep jingpule Referee bad Judge 6 ki dkhot jong ka Meghalaya Traditional Wrestling and the Pankration

Shillong, Lber 07: Hynriew ngut ki dkhot na ka kynhun kaba la tip da ka Meghalaya Traditional Wrestling and the Pankration kiba la ïashimbynta ha rynsan ba dang shu kut shen, ka National Referee & Judges Seminar kaba la pynlong naduh 1 tarik haduh 4 tarik mynta u Lber, 2024 ha Tripura ba la pynïaid da ka All Meghalaya Traditional Wrestling & Pankration Association [AMTW&PA] ki la lah ban pyndep ïa ki jingpule bad kiba la pass ban ithuh kum ki License Referee & Judges jong ka All India Traditional Wrestling and Pankration Federation (AlTW& PF) kaba hapoh ka jingpynïaid u Omar Tamboli na Pune, Maharashatra kum u President. Khyndiat, ka AlTWPF ka dei ka dkhot jong ka International Mas-Wrestling Federation(|MWF) & International Federations bad ki dkhot kiba la pynïasohlang bad ka United World Wrestling (UWw). Ka AITWPF ka kynthup ïa shibun ki sap ki phong jong ka Traditional wrestling kiba don jingïapher na kawei ka ri sha kawei pat, kum ka Alysh (Belt Wrestling) – Qazakh Kuresi – Pankration Athlima – Pankration- Palesmata – Polydamus- Khapsagai – Mas Wrestling.
Ka AMTW&PA ka hap hapoh ka jingkhmih jong ka Kong Anita Songthiang kum ka President, ka Kong Eva Kharmujai- kaba dang shu ïohpdiang shen ïa ka khusnam Kiang Nangbah award haka Arm Wrestling- kum ka Vice-President, nangta u Bah Nangkitboklang Songthiang ba bat ïa ka kam General Secretary bad u Bah Shadwinson Kharmawphlang ba bat Treasurer.
Ka AMTW&PA ka dei ka synjuk kaba ladep ban registar lane ithuh hapoh Meghalaya bad ka la dep ruh ban pynlong ïa ka 1st bad ruh ka 2nd All Meghalaya Traditional Wrestling & Pankration kaba seisoh ha u snem 2022 ha Madanrting bad ha u snem 2023 ha Meghalaya School of Martial Arts (MSMA) Hq.Laitkor, bad ka la ïashimbynta ruh ha ka 10th All India Traditional Wrestling & Pankration Championship, 2022 bad ka la ïoh ban khur 5 tylli ki takma ksiar, 4 tylli Rupa bad 3 tylli rnong na bynta ka Meghalaya.
Ka Lorenza Songthiang ka la jop takma rnong ïa ka jylla na ka World Pankration Championship kaba la pynlong ha Tashkent, Uzbekistan ha u snem 2022. Ka la shah jied ruh ban shimbynta ha ka World Combat Games kaba long ha Riyadh, Saudi Arabia ha u snem 2023, bad ka pyndep baroh khlem kino kino ki lad jingïarap ne jingkyrshan na ka tnat sport lane na ka Sorkar jylla Meghalaya.
Dang shen, ka jingkam jong ka synjuk Wrestling Association of Meghalaya (WAM) ha ki khubor ba ka Belt Wrestling ka dei ka jingïalehkai (sport) hapoh jong ka WAM ka long kaba lait bad kaba pynsngewthuh bakla bad ym lah ban pdiang namar ba ka AMTW&PA ka la ïoh la ka jong ka jingithuh (Registration) bad ka Registrar of Socities,Govt. of Meghalaya bad ka don ïa ka jingïadei kaba jan bad ka AITW&PF kaba dei ka dkhot ba la ïasoh bad ka United Worid Wrestling (UWW) recognized by the International Olympic Committee (I0C).
Ki dkhot jong ka synjuk AMTW&PA hapoh ka jingïalam jong ka Meghalaya State Olympic Association (MSOA) kin sa leit ban shimbynta ha ka 3rd Northeast Olympic Games ka ban long ha Nagaland naduh 19 haduh 23 tarik mynta u Lber, 2024.