Shillong, Nailar, 09: Ki Pulit jong ka East Khasi Hills District ki la wanrah hynñiew tylli ki Traffic Helpline Number ha ki thanat bapher bapher ban pynbha ïa ki rukom pynïaid kali bad ban ai jubab mardor ïa ki jingeh kiba ïadei bad ka jingdheng kali ha nongbah Shillong.
Katkum ka jingïathuh jong u Superintendent of Police u Bah Vivek Syiem, ïa kine ki Helpline Number la shna khnang ban pynsuk bad ban pyntip kham kloi ïa ka jingdheng kali, ka jingthut ki kali, ki jingjia aksiden, ki surok bym shngaiñ bad kiwei kiwei ki jingjia ba kyrkieh.
Ki 7 tylli ki shnat ba la pyntreikam ïa ki Helpline Numbers ki long ka Laban Traffic Branch – 69093-96411, Laitumkhrah Traffic Branch – 69093-96412, Rynjah Traffic Branch – 69093-96413, Lumdiengjri Traffic Branch – 69093-96414, Sadar Traffic Branch – 69093-96415, Madanrting Traffic Branch – 69093-96416 bad ka Mawlai Traffic Branch – 69093-96417.
La kyrpad ïa ki paidbah ban pyntip sha ki Traffic Branch na ka bynta ka jingai jingïarap bad ki jingdheng kali ban ïoh kham kloi ïa ki jubab ne haba don ki jingjia ba kyrkieh khnang ban pynthikna ïa ka rukom pynïaid kali kaba kham sted bad kaba suk ha sor Shillong.
