Nongpoh, Jymmang, 01: Halor ka jinglong jingman ka suiñ bneng bad ruh katkum ka kaiphod ka IMD ba ka lah ban don ka jingjur biang u lapbah hapoh ka 12 kynta ban sa wan bad ruh ka ban bteng haduh 24 kynta, ka ophis u Deputy Commissioner ka la thaw da ka kynhun ba lada don kano kano ki jingjia kiba ktah na ka bor mariang, ki paidbah ki dei ban pyntip sha ka kynhun ne phone sha ki Helpline number ban ïoh ïa ka jingïarap kaba mardor.
Ka ophis u Deputy Commissioner ka la pyntreikam ïa baroh ki kyhun nongtrei sorkar naduh ka District haduh ki Block lyngba ki Response Teams, ba ki paidbah ki lah ban pyntip mardor sha ktei ki Response Team lada don ka jingshahktah kum ka jingshlei um, ka jingtwa khyndew, ka jingpynjor ka eriong bad kiwei kiwei ki jingjia.
Ki Helpline ba la buh lypa ki kynthup ïa ki Helpline No. jong u Block Development Officer, Umling C&RD Block:-9362548336, Block Development Officer, Umsning C&RD Block:-7085288659, Block Development Officer, Jirang C&RD Block:- 9365465784, Block Development Officer, Bhoirymbong C&RD Block:- 7085123373 5.
Na ka bynta ka District, ki Helpline number ki kynthup ïa u District Disaster Management Officer: -9485005523, District Control Room Telephone No. :03657-282249/1077, State EOC Control Room: 112/1070, District Control Room Telephone No:- 6009906348/1077.
La bthah ruh baroh ki dkhot jong ka District bad Block, ki dei ban long kiba peitngor lypa bad ki dei ban don ha man la ki jaka ba la buh da bor district, na ka bynta ban ïoh ïarap mardor lada don kino kino ki jingjia kiba shah ktah ïa ki paidbah ha ka District.
La btah ruh ïa ki nongshong shnong kiba shong basah ha ki jaka ba don jingma ki dei ban kynriah shuwa shipor katba dang don jingma kaba lah ban ktah na kane ka jinglong jingman ka suiñ bneng, khnang ban lait na kino kino ki jingjia ba sngewsih kiba lah ban ktah ïa ki nongshong shnong.
