Khliehriat jymmang 1 : U Deputy Commissioner (Supply), East Jaiñtia Hills District, u pynbna paidbah ba la pynthymmai ïa ka dor umphniang sharak bad kane ka treikam noh mardor, kata naduh u bnai ïaïong.
Ka dor jong ki Wholesale kan long T70.15 tyngka ha Jaintia Service Station bad ha Sutnga Sub-Depot ka dor wholesale kan long T 74.15 tyngka, ka dor dukan lane Retail price ha Jaiñtia Service Station kan long T72.05 tyngka, ha Sutnga Sub –Depot kan long T76.05 tyngka.
Ka dor dukan (Retal Price) na ka bynta ki FPS kiba jngai 5kilo mitar na ki wholesale kan long katkum ka jingbuh dor ki Vigilance Committee, la ong ba kane ka hukum kan treikam noh mardor tat haduh ban da pynbna da kumwei pat.
