Jowai, Rympang 07: Shi bynta ban wanrah ia ka suk ka saiñ jong ka election hapoh ka jylla, u Distict Magistrate ka West Jaiñtia Hills District, Jowai, ula pynbna ba yn sa don ki sngi tyrkhong kyiad ha baroh ki bynta jong ka West Jaiñtia Hills naduh ka 25 tarik, ka 26 tarik bad ka 27 tarik jong une u bnai Rymphang 2023 ba dei ka sngi thep vote bad ha ka 2 tarik u Lber 2023 ruh ba dei ka sngi ñiew vote.
Kumta la bthah ïa baroh ki dukan dielang (Wholesale) bad kiba die khutia, kynthup ïa ki Bar, ki Canteen bad kiwei, ki dei ban khanglut katkum kitei ki sngi bala kdew haneng.
Khliehriat: Ban pynneh pynsah ïa ka suk ka saiñ ha ka por election, u District Election Officer, East Jaiñtia Hills District, u pynbna ba ha ka 25 tarik, 26 tarik bad 27 tarik u rymphang, 2023 kin dei ki sngi tyrkhong kyiad ha baroh kawei ka district, kaba na ka daw ka jingthep vote ka ban long ha ka 27 tarik u rymphang, kumjuh ruh ha ka 2 tarik u lber 2023 kaba dei ka sngi ban ñiew vote.
Katkum ka hukum, la bthah ba baroh ki dukan die kyiad, ki jaka dih kyiad, ki Bar, ki Canteen ki dei ban khang lut ha kitei ki sngi, ki bor ba dei peit kin ïai long peitngor bha, ïoh don kiba pynkhieñ ïa ka hukum.
